今日睇嘅超過一成病人都係發燒。有一個仲燒到39度幾，燒咗幾日都唔求醫，淨係喺屋企食Panadol，仲要覺得自己冇事。
而某一個國家嘅病人，問佢地聖誕新年假有冇外遊，佢地會停幾秒要諗，唔識得答你。佢地眼角向右上方閃縮咁望，跟住好似er er Sir 咁答你：冇/淨係去澳門/去咗三個月歐洲（佢真係答我三個月！）。問佢哋有冇離開過香港返過家鄉，有啲先至話去過深圳/東莞/北京/四川等等⋯⋯仲要加一句「離武漢好遠」嘅。講大話嘅技巧都冇就唔好學人講啦 🤦🏽♀️～
依家我哋個個病人都逼佢地帶口罩同探熱。有啲都淨係攞住個口罩，或者將個口罩塞入袋，完全冇任何危機感，仲覺得我哋多舊魚，自我製造恐慌（連膠層都係咁諗）。當而家口罩喺街嘅藥房坐地起價，賣到幾百蚊一盒我哋都要咁豪咁派，就唔該你哋自律啦！寧願乾淨啲，好過第時後悔莫及。我唔想香港去到一個地步係我放工後唔敢返屋企要自我隔離，驚傳染到自己嘅仔女。
同埋唔該去過邊度就坦白講。其實大家都係想控制疫情，想幫你醫你。你唔講真話其實對大家都冇好處。講咗大話唔代表冇中不明肺炎，要中嘅始終都會中。聰明嘅就從實招來。你硬係要話你去左法國深造的話，就冇得做contact tracing。 到終於搵到係咩病嘅時候，都唔能夠及早搵到你醫到你🤷🏽♀️～
#下次要改變問嘢嘅技巧
#直接問幾時從武漢返嚟
#幾多號去過海鮮街市
#食咗幾多野味
#殺佢哋一個措手不及
#要諗呀啦
###
依家有得見/有得攬，要好好珍惜同佢地相處嘅時光😢
細佬條👅都好好咁珍惜家姐腳上嘅襪仔～
家姐係著緊Skeleton衫💀！不過最衰我唔係Radi （X-光）人🤣
Search